® Dövlət Tibbi-Sosial Ekspertiza və Reabilitasiya Agentliyi ilə Dövlət Gömrük Komitəsinin Tibbi Xidmət İdarəsi arasında memorandum imzalanıb
CƏMİYYƏT
® Dövlət Tibbi-Sosial Ekspertiza və Reabilitasiya Agentliyi ilə Dövlət Gömrük Komitəsinin Tibbi Xidmət İdarəsi arasında memorandum imzalanıb
11.07.2024 [17:02]
® Dövlət Tibbi-Sosial Ekspertiza və Reabilitasiya Agentliyi ilə Dövlət Gömrük Komitəsinin Tibbi Xidmət İdarəsi arasında memorandum imzalanıb
Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyi ilə Dövlət Gömrük Komitəsinin Tibbi Xidmət İdarəsi arasında əməkdaşlığa dair Memorandum imzalanıb.
Hər iki təşkilatın rəsmi nümayəndələrinin iştirak etdiyi tədbirdə əməkdaşlıq sənədini Dövlət Gömrük Komitəsinin Tibbi Xidmət İdarəsinin rəisi, general-mayor Ceyhun Məmmədov və Agentliyin İdarə Heyətinin sədri Anar Bayramov imzalayıblar.
Tədbirdə əlilliyin müəyyən edilməsi və əlilliyi olan şəxslərin reabilitasiyası sahəsində həyata keçirilən işlərə töhfə verilməsi, həmçinin əlilliyi olan şəxslərin müvafiq tibb xidmətlərindən faydalanmasında əməkdaşlığın əhəmiyyəti qeyd edilib.
İmzalanan əməkdaşlıq sənədi əlilliyi olan şəxslərin, o cümlədən uşaqların Dövlət Gömrük Komitəsinin Tibbi Xidmət İdarəsi tərəfindən Mərkəzi Gömrük Hospitalında ümumi tibbi müayinələr, lazımi diaqnostik prosedurlar və ehtiyac olduqda cərrahi əməliyyatların həyata keçirilməsini əhatə edir.
Memoranduma əsasən əlilliyi olan şəxslərin tibbi maarifləndirilməsi məqsədilə Dövlət Gömrük Komitəsinin Tibbi Xidmət İdarəsi tərəfindən təlimlərin keçirilməsi də nəzərdə tutulur.
