Vaşinqton, 29 sentyabr.
ABŞ-ın Miçiqan ştatının Qrand Blank şəhərində atışma nəticəsində ölənlərin sayı 4-ə çatıb.
8 nəfərin xəsarət aldığı hadisəni törətməkdə şübhəli bilinən şəxs polis tərəfindən zərərsizləşdirilib. Polisin məlumatına görə, 40 yaşlı Tomas Ceykob Sanford avtomobilini kilsəyə çırpdıqdan sonra içəri girərək ibadət edənlərə atəş açmağa başlayıb. Daha sonra o, kilsəni yandırıb.
01:39
Qrand Blank şəhərindəki kilsədə atışma zamanı ölənlərin sayı 2 nəfərdir.
Bu barədə şəhərin şerifi Uliyam Reyni bildirib.
O, qeyd edib ki, hadisə qurbanlarının biri kilsədə həyatını itirib. Odlu silah yarası alan ikinci şəxs isə xəstəxanada keçinib.
21:46
ABŞ-da Miçiqan ştatının Qrand Blank şəhərində kilsədə atışma baş verib.
Hadisə nəticəsində 1 nəfər ölüb, 9 nəfər xəsarət alıb. Hadisəni törədən şəxs daha sonra kilsəni yandırıb. Qurbanların sayının artacağı istisna edilmir. Hadisəni törətməkdə şübhəli bilinən şəxs polislər tərəfindən zərərsizləşdirilib.