Bakı, 16 noyabr.

Qırğızıstan Beynəlxalq Universitetinin nümayəndələri – rektor akademik Asilbek Aydaraliyev, elm və beynəlxalq əlaqələr üzrə prorektor Maksatbek Anarbayev Azərbaycan Dövlət Pedaqoji Universitetində (ADPU) olublar.

Bu barədə ADPU-dan məlumat verilib.

Görüşdə ADPU-nun rektoru professor Cəfər Cəfərov universitetin tarixi, strukturu, təhsil proqramları və beynəlxalq əlaqələri haqqında ətraflı məlumat verib, mübadilə proqramlarının, birgə layihələrin, eləcə də elmi tədbirlərin hər zaman diqqətdə saxlanıldığını bildirib. Rektor qeyd edib ki, bu kimi beynəlxalq əməkdaşlıqlar universitetin missiyasına uyğun olaraq həm tələbə və müəllimlərin təcrübəsini artırmaq, həm də elmi tədqiqatların səviyyəsini yüksəltmək məqsədi daşıyır.

ADPU-nun rektoru Qırğızıstanın ali təhsil müəssisələri ilə əlaqələrin inkişaf etdirilməsinin hər iki ölkənin milli maraqlarına uyğun olması ilə yanaşı, regional inkişafın təmin olunmasına xidmət etdiyini bildirib.

Sonda qonaqlar ADPU-da yenilənmiş infrastrukturla tanış olub, tələbələr üçün yaradılmış tədris mühitini müşahidə ediblər.