Bakı, 10 avqust.

2023-2024-cü tədris ilində Bakı Avropa Liseyini 94 məzun bitirib. Onlardan 19 nəfəri tam orta təhsil pilləsini fərqlənmə attestatı ilə başa vurub, 11 nəfər məzun isə tam orta təhsili xüsusi nümunəli attestatla, qızıl medalla bitirib.

Bakı Avropa Liseyindən bildirilib ki, məzunların əksəriyyəti dünyanın nüfuzlu universitetlərinə qəbul olub. Artıq onlar Fransanın Panteon-Assas Universiteti (Université Paris II Panthéon-Assas), İngiltərənin Sausempton Universiteti (University of Southampton), Almaniyanın İnşaat Universiteti (Constructor University), Belçikanın KU Leuven, Türkiyənin KOÇ və ODTÜ, ADA, UNEC və s. universitetlərin tələbələridir: “Bu nailiyyətlər liseyimizin müəllim, şagird zəhmətinin bəhrəsidir. Əziz məzunlarımız, Sizi BAL ailəsi adından ürəkdən təbrik edirik! Sizə tələbəlik həyatında uğurlar, ən yüksək nailiyyətlər əldə etməyi arzu edirik. Səsiniz hər zaman yüksəklərdən gəlsin! Sizinlə qürur duyuruq!”.