Nazir: Bu gün ölkədə müəllim hazırlığına ciddi ehtiyac var
Bunu elm və təhsil naziri Emin Əmrullayev “VII ADA 2024” Beynəlxalq Təhsil Konfransında çıxışı zamanı deyib.
Nazirin sözlərinə görə, ölkədə texniki fənlərin tədrisi ilə bağlı praktiki tədqiqat yoxdur: “Hələ də 70-ci illərdən qalan metodik kitabçalara əsaslanan dərsliklər hazırlanır. Dərslik tədris vəsaitidir. Dərsliklərlə bağlı çoxlu rəylər var. Rəylə tədqiqat qarışdırılmamalıdır. Rəy tədqiqat nəticəsi deyil. Nəticə olmadığından inanmaq üçün isbat lazımdır. Tədqiqat varsa, dinləməyə ən çox biz maraqlıyıq".
