Tramp: Hörmüz boğazı tezliklə gəmiçilik üçün açılacaq
ABŞ Prezidenti Donald Tramp Hörmüz boğazının tezliklə gəmiçilik üçün açılacağını bildirib.
O, bu fikri ABŞ-nin Virginia ştatının Charlottesville şəhərinə yola düşməzdən əvvəl jurnalistlərə açıqlamasında səsləndirib.
Tramp Hörmüz boğazında gəmiçiliyin bərpası perspektivləri ilə bağlı suala cavabında deyib: “Boğaz avtomatik olaraq açılacaq”.
“Unutmayın ki, biz boğazdan istifadə etmirik, digər ölkələr istifadə edir. Digər ölkələr isə kömək edəcəklər, amma biz istifadə etmirik. Bu, asan olmayacaq. Mən bunu belə deyəcəyəm: Boğaz tezliklə açılacaq”, – deyə o qeyd edib.
