Milli Məclisdə vəfat edən deputatların xatirəsi yad edilib.
Parlamentin sədri Sahibə Qafarova bu gün keçirilən plenar iclasda bildirib ki, iyulun 14-də deputat Madər Musayev dünyasını dəyişib.
“Həmçinin sentyabrın 28-də parlamentin Mədəniyyət komitəsinin sədri Qənirə Paşayeva da haqq dünyasına qovuşub. Qənirə Paşayeva Milli Məclisin qanunvericilik və qanunyaratma prosesində yaxından iştirak edib", - deyə S.Qafarova deyib.
Daha sonra onların xatirəsi bir dəqiqəlik sükutla yad edilib.
Qeyd edək ki, Azərbaycanda matəm günlərinin təqvimdən çıxarılması təklif edilir.
Bu təkliflə Milli Məclisin deputatı Fazil Mustafa parlamentin bu gün keçirilən ilk plenar iclasında çıxış edib.
O qeyd edib ki, Azərbaycanın artıq qalib ölkədir və yeni dövrə başlamaq lazımdır.