Ucar, 31 avqust.

Ucarda yol qəzası zamanı 2 nəfər ölüb, 1 nəfər isə xəsarət alıb. Yol-nəqliyyat hadisəsi Bakı-Qazax avtomobil yolunun Ucarın Müsüslü kəndindən keçən hissəsində qeydə alınıb.

Hərəkətdə olan minik avtomobili idarəetmədən çıxaraq yol kənarına aşıb. Qəza nəticəsində avtomobildə olan 2 sərnişin həyatını itirib. Sürücü isə müxtəlif dərəcəli xəsarətlə Ucar Rayon Mərkəzi Xəstəxanasına aparılıb.

Hadisənin hansı şəraitdə baş verməsi və ölümün səbəbləri araşdırılır.