Oğurluqda şübhəli bilindiyinə görə saxlanılan şəxsdən narkotik və silah götürülüb.
Daxili İşlər Nazirliyinin mətbuat xidmətindən verilən məlumata görə, Yeni Günəşli qəsəbəsi ərazisində yerləşən bazarda bir nəfərin 200 manat dəyərində məhsulunu oğurlamaqda şübhəli bilinən Bakı şəhər sakini Dünyaəli Pirverdiyev Suraxanı Rayon Polis İdarəsinin 33-cü Polis Bölməsi əməkdaşlarının keçirdikləri tədbirlərlə müəyyən edilərək saxlanılıb.
Ondan narkotik vasitə olan heroin, həmçinin lüləsi və qundağı kəsilmiş ov tüfəngi də aşkar olunaraq götürülüb.
Araşdırma aparılır.