Son illərdə Azərbaycanda rəqəmsal ordu konsepsiyası çərçivəsində əhəmiyyətli addımlar atılıb
ORDU
Son illərdə Azərbaycanda rəqəmsal ordu konsepsiyası çərçivəsində əhəmiyyətli addımlar atılıb
03.12.2025.
Son illərdə Azərbaycanda rəqəmsal ordu konsepsiyası çərçivəsində əhəmiyyətli addımlar atılıb
Bakı, 3 dekabr.
Son illərdə Azərbaycanda rəqəmsal ordu konsepsiyası çərçivəsində əhəmiyyətli addımlar atılıb. Rəqəmsal ordunun əsasını təşkil edən elementlərdən biri də məhz rəqəmsal xəritələr, rastr və vektor məlumatlarıdır. Müasir müharibələrdə müştərək əməliyyatların aparılması, habelə asimmetrik və hibrid müharibə konsepsiyalarının həyata keçirilməsi üçün vahid rəqəmsal xəritələrin, müharibə və təhlükəsizlik təyinatlı məkan, məlumat və informasiya sistemlərinin tətbiqi əsas şərtdir. Bundan başqa, coğrafi informasiya sistemlərinin yaradılması da artıq günümüzün tələbidir.
Bunu Azərbaycan Respublikası Müdafiə Nazirliyinin Əməliyyat Baş İdarəsinin rəisi general-leytenant Azər Əliyev Türk Dövlətləri Təşkilatına (TDT) üzv ölkələrin “Xəritəçilik İşçi Qrupu”nun 2-ci iclasında çıxışı zamanı deyib. "Dünyada baş verən qlobal rəqəmsallaşma prosesi xəritəçiliyi də əhatə edir və onun fəaliyyət sahələrini genişləndirir. Bu zəruri texniki imkanların, müvafiq proqram təminatının və ixtisaslı kadrların mövcudluğunu şərtləndirir. Bu mənada TDT-yə üzv ölkələrin səylərini birləşdirməsi və təcrübə mübadiləsinin aparılması çox mühüm əhəmiyyətə malikdir. Dost və qardaş ölkələr olaraq vahid xəritələrdən istifadə edilməsinin üstünlüyü danılmazdır. Bu, təkcə texniki uyğunluq məsələsi deyil, bu, qarşılıqlı anlaşma, əməkdaşlıq imkanlarının genişlənməsi, məlumat mübadiləsinin sürətləndirilməsi və birgə təhlükəsizlik mühitinin gücləndirilməsi deməkdir", - deyə A.Əliyev qeyd edib
