Bu gün Dövlət İmtahan Mərkəzi tərəfindən I və IV ixtisas qrupları üzrə ali təhsil müəssisələrinə keçirilən qəbul imtahanında iştirak edən ən yaşlı abituriyent 1966-ci il, ən gənci isə 2008-ci il təvəllüdlüdür.
Bu barədə Dövlət İmtahan Mərkəzinin məlumatında bildirilib.
Qeyd edək ki, Bakı, Naxçıvan, Gəncə, Şəmkir, Qazax, Ağstafa, Sumqayıt, Abşeron, Şamaxı, Mingəçevir, Şəki, Bərdə, Göyçay, Kürdəmir, Şirvan, Sabirabad, Salyan, Lənkəran, Masallı və Xaçmazda təşkil olunan imtahanda 35966 abituriyentin iştirakı nəzərdə tutulur. Abituriyentlərdən 32164 nəfər Azərbaycan, 3802 nəfər isə rus bölməsinin məzunudur. İmtahan verənlərin 20887 nəfəri oğlan, 15079 nəfəri isə qızdır.
I ixtisas qrupu üzrə 30058, IV ixtisas qrupu üzrə isə 5908 abituriyent imtahan verir.